Waqt kya kehta hai..

Waqt Ka bhi ajab hisaab hai,
Kabhi Kat ta nahin toh kabhi tham ta nahin,
Par waqt hameshan hi badalta hai, jo aaj hai, is pal hai,

Woh Kal kahan yun rehta hai ...

Waqt toh mano jharnon sa, 
baha ja raha hai yeh kehta hua,

Ki rok lo us lamhe ko, 

jo abhi tumhaara hai,samaet lo us apne ko jo be baank awaara 

hai, daaman se baandh lo use tum, sarak ke yun jaane na do, 

baahon mein kas lo aaj usse, 
yun toot ke bikhar jaane na do, 

saanson mein basa lo is quadar
 ki saans tumhaari toh dhadhkan uski ho, 

kar lo quaid aankhon mein yun ki
 jo khwaab tumhaare, toh nazar uski ho, 

pighal jaao ek doosre mein yun 
ki Koi faaslein na rahein,

fanaa ho jaao ek doosre mein yun 
ki silsilein aur koi baaki na rahein...