Jab tere baare mein sochti hoon..

Tere baare mein jab sochti hoon toh Khud ke aur kareeb aa jaati hoon, 
Tu ghair sahi par apna sa mujhe kuch lagta hai, 

Tu haqueekat sahi par sapna sa mujhe kuch lagta hai,

Tu soch meri, tu armaan mera, 

Tu dhundhla dhundhla sa khwaab mera,

Tu Kal bhi tha aur aaj bhi hai, tu har pal mere saath bhi hai, 

Tu rooh ki tarah mujhmein samaaya hai, tera aks mera hum saaya hai,

Aankhon ki talaash bhi tu,sukooun bhi tu,

Uljhi suljhi har soch bhi tu,aagaaz bhi tu, anjaam bhi tu...

Haanthon mein chalakta jaam sa tu,

Madham madham si shaam sa tu, 

Sehmi si meri zindagi mein, tu udaan meri pehchaan meri, 

Be matlab si is kahaani mein, tu dhoop meri tu chaauvn meri, 

Jab aaine mein Khud ko dekhti hoon, toh Khud ki jagah tujhe paati hoon,

aur mujhmein tujhe dekh, kuch darr seham si jaati hoon, 

Mera toh mujhmein kuch raha hi nahin,

Tu Koi aur hi sahi par Kyun anjaana nahin,Kyun tujhko Khud mein paati hoon, 

Kyun bin tere, main taras si jaati hoon,Tujhe to ilm bhi nahin ki main jab bhi tere baare mein sochti hoon, toh Khud ke aur Kareeb aa jaati hoon...